Шрифт:
Закладка:
Лист 357, рис.122.
Рис.122. Лист 357
гробу и целуют человекъ по пяти и по шти, понеже не мала церковь. А от того места, где служба совершается, пять саженей и над темъ престолом у верху церковнаго верха окно велико и кругло; и про то окно сказывалъ намъ патриархъ Иерусалимский Софроний, что темъ окномъ по Господню велению взято тело святыя Богородицы из гроба, идеже Богъ весть.
И вышедъ ис церкви пещера невелика, подписана вся, а над дверми написанъ образъ Спасовъ. В той же пещере предалъ Июда Христа беззаконнымъ Июдеомъ.
Оттоле поидох на другую страну удоли Плачевной, на Елеонскую гору. Прямо от тое пещеры вержением камени стоитъ древо зелено и до сего дни, и имя ему маслина: тамо Христосъ творяше молитву ко Отцу Своему втайне. На том же потоке есть долъ и на том долу творяше молитву, якоже рече Божественное Писание: «Во удоли Плачевной, идеже Богъ благословение дастъ». Паки Христосъ в ту пещеру прииде ко ученикомъ своимъ и обрете ихъ спящи и пришед рече имъ: «Понеже обещастеся со Мною умрети, и ныне не возмогосте со Мною побдети единаго часа; единъ бо от васъ спешитъ и бдитъ, хощет Мя предати беззаконнымъ Июдеомъ. И отоиде от них помолитися в другое на долъ, идеже есть удоль Плачевная. И помолився паки, прииде в ту же пещеру ученикомъ и обрете их спящи и рече иммъ с поношениемъ: «Спите протчее и почивайте: духъ бодр, а плоть немощна».
А оттого мало поидохъ на Елеонскую гору, ту же лежитъ камень, с него же Христосъ на жребя вседъ.
О Елеонстей горе.
Оттоле поидохомъ на святый верхъ горы Елеонския. От Гепсимании до верху горы Елеонския полъ версты, а от Иерусалима верста едина.
Лист 357 оборот, рис.123.
Рис.123. Лист 357 оборот
Гора велми высока, и красна, предивна велми; а в ней ростетъ виноград всякой и древеса маслична. На самом верху есть место, где Христосъ стоялъ со ученики своими. И воспрошаху Его о кончине веку, он же рече: «Не можетъ сего ведати ни Сынъ Человеческий, токмо Отецъ Небесный». На том же верху стоитъ церковь Вознесения Христова велика, и в той церкви пред царскими дверми лежитъ камень плоскъ; с того камени вознесеся Христосъ пред ученики своими на небеса, и на томъ камени вообразишася стопы Христовы и ныне лежитъ одна стопа Христова, знать и до сего дни. Мы же грешнии целовахомъ ту ступень, и иные страннии от християнъ приходящии целуютъ.
А с полуденныя страны у тое же горы Елеонския стоитъ гробъ святыя Пелагеи, бывшия прежде блудницы. А владеютъ темъ местом Турки; стоитъ церковь запечатленна от Турокъ. А прежде того приходя страннии у того гроба грехи своя исповедовали.
От тое горы Елеонския до Вифании, идеже Лазарь умеръ, якобы три версты, и ту Господь воскреси его; и ту стоитъ церковь воскресения друга Христова Лазоря, а в ней гробъ Лазоревъ и сестры его Марфы и Марии. А от Вифании до камени, где Христосъ сиделъ и глаголал ученикомъ своимъ: «Лазарь, друг нашъ успе: идемъ да возбудимъ его». От того камени на востокъ до реки Иордана, где Христос крестился, день ходу.
О реце Иордани.
Река Иордан быстра и глубока, и вода в ней бела и мутна, а широта ея дважды рукою камень вергнути. А противу того места, где Христосъ крестился во Иердани, стоит гора Ермонъ, и на той горе Духъ Господень свидетельствоваши о Исусе во образе голубине: «Сей есть Сынъ Мой возлюбленный, о Нем же благоизволихъ».
Лист 358, рис.124.
Рис.124. Лист 358
С тое же горы Иермона взятъ бысть Илия пророкъ на огненой колеснице яко на небо. И от тое реки Иердана на западъ манастырь Иоанна Предотечи. И от того манастыря на полуденную страну вниз по Иордану, яко пять верстъ, манастырь преподобнаго Герасима, ему же левъ послужив. И от тое реки к западу верстъ с семъ до пустыни, и в той пустыни есть гора высока и крута, каменна, едва мочно взойти на ту гору младому. И в той горе пещера, а в той пещере камень, какъ столу подобенъ, и на томъ камени сиделъ Христосъ и постися четыредесят дней и четыредесятъ нощей. И прииде к Нему дьяволъ искусити Его и рече Господу: «Рцы камению сему, да будутъ хлеби». И рече Господь: «Не искусиши Господа Бога твоего: не о единомъ хлебе будетъ живъ человекъ, но о всяком глаголе, исходящемъ изо уст Божиихъ».
О Вифлеоме.
А от Иерусалима же на полуденную страну до Вифлеома седмь верст, а в ней церковь велика Рожество Христово, а где родися Господь нашь Иисусъ Христосъ, и то место в пещере под олтаремъ церковнымъ, соити аки в погребъ по лестнице седмь ступеней; и ясли, где Христос родился, иссечены от камени мрамору белово. Ис тое пещеры, сказываютъ, Иродъ царь избивалъ младенцы за Христа, и от матерей ихъ ис сосецъ млеко течаше на землю, и земля в той пещере бела и мяхка. И старцы иерусалимскии сказывают ту землю Пречистыя Богородицы. А от Ерусалима к Вифлеому итти на полудороге стоитъ манастырь святаго пророка Ильи, идеже закла жрецъ лживыхъ пророкъ. И близ того места с перестрелъ на дороге на камени место вообразилося, идеже уснулъ Илья пророкъ, и вогнуся место, яко воскъ, знатъ и до сего дни. И прииде к нему аггелъ
Лист 358 оборот, рис.125.
Рис.125. Лист 358 оборот
Господень и возбуди его и принесе ему опреснокъ пырянъ и корчажецъ воды. И от того места, яко бъ верста, место на иподроме, сиречъ в доле, гробъ Рахвилинъ, матери Иосифа Прекрасного, где проданъ от братии своей и веденъ бысть Измаилтяны и плакася на гробе томъ.
На той же дороге от Иерусалима, не доходя места Ильи пророка, стоитъ древо маслина и до сего дни зелено. Сказывают: егда изыде непраздна Богородица в Вифлиомъ родити Господа нашего Иисуса Христа и от
