же и мы недостойнии тотъ камень и паки внидохомъ в пределъ ко гробу Господню. Ту же радости и трепета наполнихся у гроба Господня, како узрехомъ живоносный гробъ Избавителя нашего и начахомъ дивитися человеколюбию, како ны допусти с грехи нашими доити святаго Иерусалима и видети и целовати гробъ своего человеколюбия. Видехъ некоторыхъ с нами идущихъ помолитися гробу Господню и видехомъ ихъ к Богу отшедшихъ на пути, зане бо бе на пути многи бываютъ смерти от беззаконныхъ Турокъ и от Аравленъ на море и на суху.

В той же день великия суботы, и заутра внидутъ погании

Лист 350, рис.108.

Рис.108. Лист 350

Турки с паглисанчакъ и яничаре в великую церковь на гробъ Господень и погасятъ вся кандила, горящия во всей великой церкви и по пределамъ и над самымъ гробомъ Господнимъ, ни единаго не оставятъ со огнемъ. У патриарха же и у християнъ обычай имать, что в домехъ своихъ в великой четвергъ погашаютъ огнь, и от тех местъ не бысть огня ни у кого же, донде же огнь снидетъ с небеси на гробъ Господень, и от того огня взимаютъ и розносятъ в домы своя и держатъ тотъ огнь во весь годъ, а дела не делаютъ никакого, развее Богу молятся и до Воскресения Христова. А церковь малую, иже над гробомъ Господнимъ держитъ патриархъ запечатлевъ. И стражей поставят у дверей у гробницы, а патриарху предадут со християны старую трапезу. И идетъ во свою церковь к Воскресению Христову и тамъ молятъ Бога со слезами, ждуще знамения Божия с небеси.

И за два часа до вечера приидетъ аки солнце в великую церковь в непокровенное место болшие церкви над гробомъ Господнимъ зделано от низу от плечь церкви, и пошло аки широко, к верху поуже, а верхъ не покрытъ подобно быти аки колпакъ на главе без верху; станетъ лучь от солнца на кресте, иже бе внутрь великия церкви крестъ над гробомъ Господнимъ. И узревъ патриархъ тотъ лучь Божественное знамение и вземъ Евангелие и крестъ и хоругвъ и свеща без огня и поиде патриарх в боковые двери, сииречь в сторонние, от старые трапезы ко гробу Господню и за нимъ иноки и христиане и епископы вернии и инии многие, а за нимъ игуменъ арменский со Армяны и за нимъ идутъ Готфы и Хабежи и Маруни, Несторияне и прочая их проклятая ересь со своими папы. И пришед патриархъ со християны ко гробу Господню и обыдоша трижды кругъ приделъ гробницы и молящеся Богу со слезами. Иноком же и инокинямъ

Лист 350 оборот, рис.109.

Рис.109. Лист 350 оборот.

и всемъ християном плачющимъся горце и вопиющимъ к Богу: «Господи, сподоби насъ видети благодатъ своего человеколюбия и не остави насъ сирыхъ». Патриархъ же, ходя кругъ гроба Господня, пояше стихеру: «Днесь адъ стоня вопия...» Нам же всемъ плачющимся горце и не могохом удержатися от слез. Прииде же патриархъ ко дверемъ црковнымъ ко гробницы и повеле Туркомъ над гробом Господнимъ отпечатати. Патриархъ же отверзшу двери гробницы и узревше вси людие благодать Божию сшедшу с небеси на гробъ Господень во огнене образе. Огню ходящу по гробу Господню по дцке мраморной всякими цветы, что молния с небеси; а кандилом всемъ стоящимъ верху гроба Господня безо огня; и видевше вси людие таковое человеколюбие Божие и возрадовашася радостию великою зело, испущаху многи слезы от радости. Патриархъ же Софроний вниде единъ в пределъ гроба Господня, имуща во обоих рукахъ свеща многа вскрай гроба Господня. И сниде огнь з гроба Господня, яко молния на руки патриаршеския на свещи, и абие загорешася свеща в патриаршескихъ рукахъ предо всеми людми. И насъ сподобилъ Богъ видети. Ту же на гробе християнское кандило загорелося, а от иныхъ веръ ни едино кандило не загорелося. Патриархъ же изыде ис престола от гробницы, имуща во обоихъ рукахъ свеща многа горящия великия пуки, изнесе огнь ис предела от гроба Господня. Ста патриархъ посторонь предела Господня на высокомъ месте, бе бо ему на то учинено. Народ же окрестъ его стоящи, христиане зажигают огнь по всей церкви и по святым местом свещи и кандила. И понесоша тотъ огнь по домех своихъ для благословения и держатъ во весь годъ в домехъ своихъ. А которые свещи изнесе патриарх

Лист 351, рис.110.

Рис.110. Лист 351.

от гроба Господня, и тотъ огнь, иже в патриаршескихъ рукахъ, не жжетъ человеческихъ рукъ, развее свеща; а тотъ огнь, иже во християнскихъ руках, и от него все горитъ. А латыни и все еретики и игумены и попы взимаютъ огнь на гробе Господни от християнскаго кандила и своя свещи и кандила зажигают, а патриархъ имъ из своихъ рукъ огня не даетъ и от нихъ удаляется и совету с ними не творитъ. И абие пойдетъ патриархъ со християны ко святым местам со слезами Богу молящеся и потомъ идетъ во свою церковь к Воскресению Христову. И абие начинает чтецъ чести паремъи, потомъ начаша все по ряду Божественную пети литоргию во второмъ часу нощи, и по Божественней литоргии сядетъ патриархъ во церкви и со християны и вкуситъ мало хлеба и мало вина с водою испиша, и начаша чести Деание апостольское. Церковь же великая деломъ добре мудра и вся мусиею утворено и златомъ подписано; а гробъ Господень не покрытъ покровомъ, точию цка мраморна, и ничемъ не подписана.

О вере еретиковъ. Дивно же бе исповедати видехъ в ту нощь во церкви еретиковъ бесящихся и неистовство их. Арменове ходятъ — един от нихъ ходитъ пред ихъ владыкою, а звонитъ в колоколецъ, а дьяконъ ходитъ пред тем же владыкою назад пяты с кандиломъ и кадитъ его. Ариане же тако, какъ и Армены. Хабежи ходят круг гроба Господня, и есть у нихъ четыре бубна велика; и ходят круг гробницы и бьяше по темъ бубномъ и скакаше и плясаше, яко скоморохи; а инии назадъ пяты идяше и скакаше, яко бы скоморохи. И дивихомся человеколюбию Божию, како терпитъ,

Лист 351 оборот, рис.111.

Рис.111. Лист 351 оборот

не могий бо человекъ на торжище таковаго безчиния видети. А Готфы во свое пение козногласуютъ, бьютъ обходя кругъ гроба Господня молоткомъ в билцо или в камень, аки в трещетку. Се же видехомъ во